بعد 20 عام.. أول تعليق من فنانة شهيرة عن حبسها بتهمة الاعتداء على خادمتين

تحدثت الفنانة وفاء مكي، عن أزمة سجنها بتهمة القضية المعروفة بـ"تعذيب خادمتها"، مشيرة إلى أن الله له حكمة في ذلك.

وقالت "مكي"، خلال تصريحات تليفزيونية: "عندي خدامات بيساعدوني دلوقتي في البيت، والحكاية دي بقالها 20 سنة وأكتر، ولما حد بيتكلم بقوله دا موضوع ملهوش لازمة ولما بفتكر بقول إيه التهريج دا؟ وبضحك، ولكني اقتنعت إن اللي حصلي له حكمة يعلمها الله والضربة اللي مش بتقتل بتقوي".

كما كشفت سبب ابتعادها عن الفن قائلة: "ابتعدت عن التمثيل عشان كنت متفرغة لابني بعد ما جوزي مات، ولو هنزل أشتغل وأتعب وأتفرغ لازم الفلوس تكون تستاهل أضحي عشانها".

وأضافت الفنانة وفاء مكي: "أنا محتاجة أشتغل برضه لأن ظروف الحياة صعبة وعندي ابن محتاج فلوس ولكن الأجر حاليًا مش على قد المستوى، كنت هتعاون مع محمد رمضان في فيلم جديد ولكن الأجر كان قليل ورفضت لأني ممثلة قديمة ومش لسه حد هيكتشفني".