الطفلة مريم تكشف لـ”الغيطي“ تفاصيل مثيرة فى قتل صديقتها.. القصة كاملة

ظهرت والدة الطفلة "مريم" المتهمة بقتل صديقتها، ضيفة مع الإعلامي محمد الغيطي، على قناة «الشمس»، فى برنامجه "تقدر مع الغيطي" وقالت: «سألت بنتي عملتي كده ليه، ردت وقالت شوفتك فيها إنتي وأبويا ومرات أبويا قولتلها كنتي قتلتيني أو قتلتي أبوكي أو مرات أبوكي».

وتابعت الأم :«بنتي قالتلي إنتي وبابا بوظتوا حياتي، مرات أبويا كمان كنتم السبب في ضياع مستقبلي»، مؤكدة أن مريم كانت تشاهد والدها وهي يتعدي عليها بالضرب المبرح طوال الوقت، وبعد ما استحالة العشرة طلبت الطلاق، وبعد ما عاشت مع مرات الأب اتدمرت.

وأشارت الأم: «أنا ربيت بنتي كويس وكانت بتدرس في الأزهر وحافظة ربع القرآن الكريم».

وقصة مريم صاحبة الـ 16 عام عرفت من فترة بعد ما قامت بقتل صديقتها بسم في الطعام ثم شنقتها بالإيشارب حتى فارقت الحياة.

وقال «ربيع» وهو حارس العقار: «يوم الحادثة أتصل بيا زوج أمها وقالي أطلع أطمن على الشقة والبنات واعتذرت، وقولتله مش بحب أطلع الشقق بس البنات لسه طالعين من ساعة كانوا كويسين».

وتابع عم «ربيع»: «وبعد شوية نزلت مريم وهي حاطة مكياج وقالتلي يا عمو صاحبتى حطت لنفسها سم وماتت، هو ممكن حد يضربني، قولتلها محدش هيضربك مش هي عملت كده في نفسها».

واستكمل حديثه: «قولتلها قولي للشرطة كده بتليفونك وبالفعل اتصلت بس قبل وصول الشرطة قالتلي ياعمو أنا اللى عملت كده أنا حطت سم لصاحبتي في الأكل ولما داخت خنقتها بالإيشارب».

وأكد «ربيع»: «قالتلي ممكن امشى من هنا وأسافر لأمى عشان أنا خايفة أوي، أنا موت صاحبتي وكنت عايزة أقطعها كمان بالسكينة بس مقدرتيش خالص على كده ».

وعندما وصلت الشرطة، فؤجيت أن الفتاة صورت صاحبتها أثناء الجريمة وأرسلت الفيديو لأم ولأب وقالت لهم: «علشان تصدقوا أنا موتها ودى جثتها».

وقال زوج الأم، وهو مستغرب: «بعد ما قتلت البنت حطيت مكياج لها وقالت علشان لما تشوفوها تلاقوها حلوة».