الاختيار 3.. لقاء تاريخي بين الفريق ”السيسي“ ووالدته قبل اتخاذ قرار مصيري

تحدث الفريق أول عبد الفتاح السيسي، وزير الدفاع، مع والدته عن كواليس الساعات العصيبة التي تشهدها الدولة المصرية في أعقاب أحداث ثورة 30 يونيو واستخدام الجماعة الإرهابية العنف في الشارع المصري.

وضمن أحداث الحلقة الـ29 من مسلسل «الاختيار 3» التي جاءت بعنوان «النهاية» يتحدث وزير الدفاع لوالدته قائلًا: «البلد هتدخل على أزمة كبيرة من تاني يا أمي، الخساير هتكون أكبر بكتير من اللي حصل بعد أزمة 2011 هتستمر سنين طويلة، الناس مش عارفة إن اللي بتطلبه ده أكبر من قدرة البلد ومن تحملهم هما، ونتيجته هتكون عدم استقرار وإرهاب وخسائر في الأرواح أكتر من كل مرة، كل حاجه في البلد هتتخلبط أكتر ولا هيبقى فيه سياحة ولا غيره، الدنيا هتخرب».

وأضاف: «اللي بيحكموا البلد مش عارفين يعني إيه بلد ولا عارفين إزاي يحلوا مشاكلها ماهو أصل مينفعش نجرب في بلد ظروفها صعبة وأنا بين خيارين، الأول إني أسكت وده معناه حرب أهلية، البلد مش هتنجو منها وساعتها هنشوف المصريين إما متقاتلين أو لاجئين في كل بلد شوية يعني خراب في خراب».

وتابع: «أما الخيار الثاني إني أتحرك وأحل الأزمة دي وأنهي المشكلة بس الناس مش عارفة إن في تمن كبير هندفعه إحنا برضو المصريين نتيجته هيكون لها آثار سلبية هما مش مدركين أن كل أزمة ليها تمن علشان تتحل، هما عايزين يحلوا الأزمة من غير ما يدفعوا التمن، ربنا يستر».

لترد والدته قائلة: «سبحان الله أنت عارف يابني وأنت صغير كنا بنخاف عليك قوي علشان كنت سابق سنك ودايما جوابك حاضر على طرف لسانك، كنا خايفين عليك من عيون الناس، كنا دايما مخبينك.. بس خبناك ساعتها علشان تطلع دلوقتي في وسط الناس تشوفك وتسمعك.. ربنا يحفظك ويحميك ربنا عارف كل اللي بتعمله حبيبي ربنا معاك».

مسلسل "الاختيار 3" تأليف هانى سرحان، وإخراج بيتر ميمى، إنتاج شركة سينرجي بطولة كل من: أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى.

مسلسل "الاختيار 3 – القرار" يعرض على قناة ON الساعة 9.30 مساءً والإعادة الساعة 4.20 صباحًا والساعة 3.25 مساءً، ويعرض على قناة ON دراما الساعة 11.20 مساءً ويعاد الساعة 6 صباحًا والساعة 10.30 صباحًا والساعة 4.40 مساءً.