سونيا الحبال تكتب: يعني ايه تضحية ؟
كلمة تضحية مش بعترف بيها دائما
يعني ايه تضحية !!!
اي حد بيقول انا ضحيت مش بتعاطف معاه ..
اللي بيضحي ده دائما مستفيد في كل الظروف ..
حتي في اصدق المشاعر عمرها ما اسمها انا ضحيت اسمها انا عملت حاجه لاني بساعد نفسي في حاجه تانيه تهمني
تعالوا نفسرها براحه كده ..
الام اللي بتقول انا ضحيت بعد انفصالي او وفاة الزوج بعمري كله عشان ولادي ..لا انتي فكرتي ان مستقبلك ان ولادك هما دعمك وسندك لما تكبري وتبقي محتاجه مساعدتهم ليكي !!صح ؟ مع انه واجب منكم انتوا الاثنين لبعض ملوش علاقه بتضحيه خااالص
الاب اللي بيقول انا فنيت عمرى كله عشان أسعد بيتي وولادي !!! لو مفيش عندك اسره هتفني عمرك كله تشقي وتجيب فلوس برضه تبقي سندك وضهرك مش تضحيه خالص في الحالتين انت هتعمل حاجه كبيره تدعمك !!صح ؟؟؟
طيب اللي بيضحي بفلوسه بسعادته عشان اي حد ..مش تضحيه يا جماعه خالص لو هو مش طمعان في المقابل عشان ده مش هيعمله..حتي لو كان المقابل حب واهتمام ..
ما اسمهاش تضحيه اسمها تبادل مصالح حتي لو مصالح انسانيه
محدش بيجبر حد علي التضحيه..دائما التضحيه اختيار مش فرض ..
كلمة تضحيه بتخلينا نحس بالشفقه علي اللي بيقولها مع انها في الاصل اللي بيضحي مستني المقابل ..
اوعوا تصدقوا حد ضحي وقال مش مستني المقابل والا مكنش قالها اساسا ..
متقولوش ضحينا قولوا عملنا ومستنين يتعمل معانا زي اللي عملناه ????
