مصطفى شعبان: زعلان من منى زكى بسبب تصريحاتها السيئة عن فيلم «أحلام عمرنا»
أكد النجم مصطفى شعبان، حزنه من صديقته الفنان منى زكي بسبب تصريحاتها السابقة عن فيلم «أحلام عمرنا»، قائلا: «زعلت من تصريحات منى زكى لما قالت اسوأ أعمالها فيلم أحلام عمرنا معايا، وأنا معتبتهاش بعدها، وهي قالت كده زمان أيام الفيلم، ومفيش أبدا حاجة نختلف فيها غير فنية».
وأضاف الفنان مصطفى شعبان، أن منى زكي هي نجمة جيلها في العالم العربي وليس مصر فقط، متابعا: «اعرف منى زكى من زمان وعلاقتنا كويسة جدا، وأنا بحب فيلم أحلام عمرنا قوي».
وتابع: «الموضوع قديم وكنت ناسيه ومتقبلناش من وقتها أنا ومنى زكي إلا صدف وبنسلم على بعض عادي، وكل احترامي ليها وأكيد اللي زعلها من الفيلم سبب مهني ومفيش بيني وبينها أي مشاحنات شخصية أدت إلى تصادم، ووصلني أنها تكلمت على تجربة الفيلم وطبيعي يحصل أخطاء وكنا لسه صغيرين، ولو اتعرض عليا أعمل معاها شغل أوافق طبعا».
