فنانة شهيرة: كان نفسي أجيب أطفال من غير جواز.. ولهذا السبب ابتعدت عن الفن

قالت الفنانة ليلى غفران: "كان نفسي أجيب عيال من غير جواز لأن كل زيجاتي غير موفقة، وعلشان أنا طيبة زيادة عن اللزوم مكنش فيه نجاح لزيجاتي".

وأضافت "غفران"، خلال تصريحات تليفزيونية: "خلال زيجاتي مكنتش بحب الغلط، وكنت أتغاضى مرة واتنين ولكن بعد كده مبسكتش، وتعرضت للخيانة من وريا وشوفت بعيني كمان، وفيه خيانة سامحت فيها لكن مقدرتش أستحمل من جوايا".

وتابعت: "الجواز عاملي اكتفاء ذاتي، ومش عايزة أعيش مع حد، وما زال فيه ناس بتتقدم ليا للجواز بس أنا خلاص اكتفيت، وكان فيه حد متقدملي قريب بس أنا عاجبني حالي لوحدي".

وأردفت ليلى غفران: "اتجوزت 5 مرات بس منهم جوازات باعتبرهم مش جوازات لأنها عدت مرور الكرام، ومن كتر جوازاتي نسيت أسامي اللى اتجوزتهم، والست المغربية قادرة تتأقلم مع كل الظروف والأحوال سواء ربة منزل أو عاملة أو زوجة أو صديقة وناجحة في كل شيء".

وأشارت "ليلى"، إلى أنها تعرضت لجلطة في المخ سببت لها شللًا كاملًا، حتى قالت بتأثر: "عانيت شوية كتير الحمد لله.. حسيت ربنا بيقول لي قومي كفاية كده، يللا كملي المسيرة بتاعتك وابتديت اشتغل وأعمل شوية حاجات".

وأرجعت "ليلى" التدهور المفاجئ لحالتها الصحية إلى تراكمات سابقة، خاصةً وأنها تفشل في التعبير عن غضبها: "مش بعرف أغضب وأطلع اللي جوايا.. مرة واحدة حصلت لي غيبوبة".

وخلال هذه الفترة، قضت "ليلى" أيامها داخل المستشفى، في لحظات شعرت فيها بأنها "طفلة" وفق تعبيرها: "كان بيتهيأ لي حاجات كتير بسبب كمية الأدوية الكتيرة اللي كنت باخدها"، قبل أن تختم بقولها: "الحمد لله".