بعد تصريح والده ضده.. أحمد فلوكس: عرفتوا تشحنوه عشان كبر سنه

حرص الفنان أحمد فلوكس على أن يرد، على تصريح والده ضده في أحد البرامج الاعلامية، معربًا عن استيائه باستغلال البرامج الاعلامية لكبر سن والده الفنان القدير فاروق فلوكس.

وشارك أحمد فلوكس، مكالمة مسجلة بينه وبين والده، عبر حسابه الشخصي بموقع التواصل الاجتماعي لتباردل الصور والفيديوهات القصيرة "انستجرام"، وقال بالمكالمة: أنا مش كويس ولما بطلع أتكلم في البرامج بقول كلام كتير لأن أنا قلبي طيب والله.

وأضاف: هما مستوعبوش كلامك، عايزين يطلعوني مجنون فتمام، أنا عارف اللعبة اللي دي اللي بيعملوها، وهما مش هيفهموا، لما يكون عندي مشكلة مش هاجي أقولك أنا بمر بظرف كذا.

وأردف: المفروض مقولكش مشاكلي، وهما عرفوا يشحنوك وياخدوا كلام معين منك، بناء على سنك أنك كبرت، أرجوك متزعلش مني، ليرد عليه نجله أحمد: جزمتك فوق رأسي، متشيلش جواك.

واختتم أحمد فلوكس قائلًا: دي لعبة ملكش ذنب فيها، أنت عارف إني بحبك جدًا، ومقصرتش معاك، ولو مجتش البيت عندك لظروف معينة أنت عارفها كويس، وأنا مش هطلع أشرح، وأتكلم في بيتي وحياتي الشخصية.