ابنة المفكر سيد القمني تفتح النار على عبد الله رشدى والحويني
شنت سلوى سيد القمني، ابنة المفكر الراحل سيد القمني، هجومًا حادًا على عبد الله رشدي والحويني، حيث قالت:” انتوا بتاخدوا ثمن الحديث عن كتاب ربنا، وثمن الأية القرآنية التي يتلونها، والتجارة بالدين”.
وتابعت سلوى القمني، خلال تصريحات تليفزيونية، وهي في حالة انهيار، قائلة: سيد القمني تمنه أعلى منكم، وأطهر منكم كلكم، وكعبوا أعلى منكم، واللي مايعرفش ذمة سيد القمني؛ أنا اللي أكلمه عنها.
وعلقت على ما قاله الداعية عبد الله رشدي عن والدها، قائلة: مش عبد الله رشدي اللي هيقول اشترى دنيته وباع آخرته، سيد القمني اشترى الناس كلها، واشترى بلده، أنتوا اللي بعتوها؛ عشان تجارتكم بالدين، سيد القمني عاش عمره بضمير وذمة، وكعبه أشرف منك أنت والحويني، وكل اللي بيتاجروا بالدين.
وأضافت قائلة:” أنا اللي شوفت معاناته، وعشت معاه مرضه، الحمد لله إنه مات مستور، ولم يحتَج إلى أحد منكم، أبويا مات مستور، ورأسه مرفوع، وجبينه مرفوع، وكعبه عالي”.
