«عيب عليك».. شمس تفتح النار على حمو بيكا

كشفت الفنانة شمس، تفاصيل خلافها مع مطرب المهرجانات حمو بيكا، قائلة: «أصلا مين حمو بيكا.. وأنا مليش علاقة بيه وما ظنش إنه إسكندراني.. أكيد من مكان تاني».

وأضافت شمس، خلال برنامج «نص الكلام» المذاع عبر شاشة النهار: «ما حصلش بيني وبينه حاجة.. وأصلا ما ينفعش.. كل الموضوع إن فيه حاجة شخصية وجعتني لأنه كان بيعمل مسلسل وكان المخرج بتاعه كان لسة عاملي فيلم وطلبوني في المسلسل ده واعتذرت».

وتابعت: «أنا أول مرة اشتغلت كان مع العظيمة يسرا وأحمد رمزي.. عمرى ما شوفت تواضع زى اللي شوفته معاهم.. بيكا بيقول شمس معرفهاش.. أنا اللي بقالي 25 سنة بمثل عيب عليك».

وأكملت: «أنا لو زعلانة من حد هبتسمله على الأقل والفن له أصول.. وأنت أصلا مش موهوب ولا شكل ولا منظر ولا موهبة وكمان قلة أدب.. عيب.. ودي مش أول مرة وطول ما هو ماشي بيخبط مع الناس».