”انا حوا” يرصد أشهر حوادث تصوير النساء في 2021.. انتهت بالسجن والغرامة

تصدرت حوادث تصوير النساء على الساحة خلال عام 2021، وموقع "انا حوا"، يرصد أشهر حوادث والتي انتهت بالسجن والغرامة.

في مايو 2021 "زينب غريب" لقت واحد ماشي وراها في الشارع وبيصورها وتم الحكم عليه بعدها بغرامة 10 الآف جنية.

وفي يونيو 2021 "بسمة بشاي" كانت في المطار واكتشفت أن بيتم تصويرها بدون إذنها، وتم الحكم على المتحـرش ب3 سنين سجـن.

في يوليو 2021 "بسمة طاووس" كانت في ملاهي مول مع بنتها وجوزها ولقت واحد بيصورها بدون إذن وتم الحكم على المتحـرش ب3 سنين سجن.

في ديسمبر 2021 ماركتينج Citroën Egypt شافوا أن أحسن طريقة يسوقوا بيها لعربية جديدة وأنه فيها إمكانية تصوير انهم يخلوا مغني مشهور (عمـرو دياب) يصور واحده بتعدي قدامه عشان عاجباه عادي!
بدون أي إحترام أو تقدير لحوادث التحـرش اللي بتحصل بشكل يومي، ولا إحترام لخصوصية الناس في المطلق.

تصوير الغير بدون إذنه جريمـة بيعاقب عليها القانون..
حتى لو اللي بيعمل ده حد مشهـور وفي سياق رومانسي ده مش هيخليه عادي أو شيء مقبول؛ هيفضل اسمه تحرش.