سونيا الحبال تكتب: المرأة ودار الافتاء المصرية

بستغرب لما بشوف دار الافتاء وهيا مره بتقول الزوج ملوش الحق في مرتب زوجته اللي بتشتغل وان الزوجه غير مكلفه بخدمه بيتها ده فضل وليس تكليف ..

طيب احب اقولكم مين الزوجه المصريه بالذات ..اللي هيا امي وامكم وامهات كتير
احنا مش مستنين فتاوى تقول نشيل في بيوتنا ولا لا ..

احنا اللي اتعلمنا في بيت امهاتنا الام اللي بتبيع ذهبها وورثها لو حست ان جوزها في ازمه من غير ما يطلب.

احنا إللي تعلمنا من امهاتنا اننا نشيل الشيله كتف بكتف وسند بسند
اتعلمت ان امى ترجع من الشغل قبلنا كلنا عشان تلحق تجهز الغدا وتفرحنا بعمايل ايديها ..وشوفت ابويا بيتسابق يساعدها ..

شوفت بعيني واتعلمت طبق الميه اللي بالملح لرجل ابويا وهو جاي تعبان مجرد يقول اه واشوف ابويا وهو بيبوس ايد امي وراسها قدامنا.

اتعلمت ان اللي يقدر بيشيل محدش بيقولي فلوسي وحاجتي ولا نعرف دي ابدا..
اتعلمت ان امي شريكه حيا…