ماجد الحداد يكتب: قطعة اللحم الحكيمة

في فيلم ماتركس الجزء اول كانوا في مركبة نبوخذ نصر بحكم انهم يهود لكن متصوفين بيلبسوا ملابس بالية من الخيش وكانوا بيأكلوا هلام عبارة عن بروتين وأحماض أمينية وشوية فيتامينات ومعادن ... يعني كل ما يحتاجه الجسم على راي ( ماوس ) أحد شخصيات ماتركس مصمم الفتاة ذات الرداء الاحمر .



يعني كل ما يحتاجه الجسم فقط وكنوع من الزهد ...

لأن الماتركس المقصود بها شبكة الوجود يعني بتخدعنا بالحواس بالأشكال والألوان والطعوم والروائح واللمس ... لكن هي عبارة عن مواد كيميائية والدقة عبارة موجات لها تردد خاص بكل عنصر .



بس عشان كدة اللي يوصل لدرجة التنور من الاحرار كان يقرأ كل حاجة عبارة مجموعة ارقام في الشاشة لأن اصل تصورنا عن الحياة رقمي رياضي من مصادر ثيوصوفية قديمة وكمان اتفقنا ننشئ أسطورة جديدة لعصرنا تكون اسرع في التناول والدقة فاخترنا الرياضيات ...

المهم الخائن اللي معاهم سايفر  ابو سكسوكة عاوز يخرج من التقشف وحياة الرهبان الاحرار الصعبة دي ... فاستغله عملاء الماتركس ورشوه وعزموه في مطعم فاخر وقدمه له نبيذ ولحم مطهي كويس بالبهاريز قال كلمة مهمة جدا جدا لعميل الماتركس ما ينفعش تعدي علينا كدة ...

قال له :

( انا عارف اني لما آكل حتة اللحمة دي عقلي هيترجم طعمها وشكلها ولونها انها اروع شئ في الوجود وهيخدعني اني بأكل لحمة لكن هي عبارة عن مواد كيميائية عضوية بس ... لكن بعد السنين دي انا اكتشفت حاجة مهمة جدا عشان اعرف استمتع بالحياة ... هي إن #الجهل_نعمة )

ويمكن ده الرمز لعنة آدم وحواء في القصة الدينية أنهم كانوا منتمين في الجنة لما كانوا جهلة ... لكن لما أكلوا من شجرة المعرفة وعرفوا حقيقتهم كانت المعرفة لعنة عليهم. أدت إليهم بالشقاء .

وفي أسطورة #سيزيف الإغريقية بسبب أنه علم البشرية لاحقته لعنة أبدية من زيوس .

يا ترى تقدر تختار الجهل وانت عايش في جنة بعد ما عينيك فتحت على الحقيقة وحصلت على المعرفة اللي هترميك في الشقاء لكن هتبقى حر ؟؟؟

#انسان_يفكر



وأيضًا.. ”الغيطي“ يُحيى ذكرى صاحب «لو بطلنا نحلم».. الشاعر المٌجدد عصام عبد الله

وأيضًا.. https://www.facebook.com/anahwa2019